الحل العاجل

[الحزين]

بسم الله الرحمن الرحيم
الحمد لله والصلاة والسلام على سيدنا محمد وعلى ىلة وصحبة الطاهرين الأبرار وبعد
السلام عليكم ورحمة الله وبركاتة
والله يا اخواني ما اعرف وش اقول وش ابقي لذى ابي افضفض كل ال في قلبي
يا اخوان انا حالتي غير مستقر وغير مرتاح وحالتي النفسية ما يعلمها الا رب العالمين وما اقول الا الحمد لله على كل حال والنعمة الي احنا فيها
انا يا اخوان كنت متوظف بوظيفة مرتاح فيها للأخر للعلم اني تارك الصلاة بشكل ما تتصوروها بعيد عن ربي واسمع اغاني ومواقع اباحية ما يعلم بحالتي الا رب العالمين
المهم امي كانت تزن فوق راسي زواج وزواج وانا ما كان في بالي نهائيا الزواج وكنت مالي نية للزواج وامي تزن علي بزواج وكثر زنتها علية قلبي حن لزواج ووافقت اني اتزوج المهم امي شافت بنت الحلال وجاء وقت الشوفة الشرعية شفتها وشافتني وكان فية قبول والحمد لله من بعدها بطلت اكلم بنات عن طريق النت ونضفت ايميلاتي من البنات بحكم اني خاطب وابتزوج لانوا ما يجوز اني بتزوج واكلم بنات من وراها لاني بطبعي ما احب الخيانة وذاك الايام كان اسعد ايام حياتي وملكت وصرت ازورها في يوم اجازتي واكلمها يوميا وتكلمني وفيه حب بينا المهم في شهر ذوالقعدة ونسيت ان اقلكم ان الراتب ع قدي وكنت بقدم في المشروع الخيري لمساعدة الشباب على الزواج بجدة المهم بعض احيان تجيني ضائقة مالية بحكم اني داخل جمعية ب 1000 ريال لدرجة مايكون حتى عندي رصيد حتى اكلم زوجتي المهم اسبوع كنت مطفر نهائيا ورصيد جوالي صفر وما كلمت زوجتي لمدة اسبوع ولمن فرجها ربي شحنت ولمن ادق عليها ما ترد عليه وكانت كل يوم صباح ترسلي مسج زي السم بسبب تقصيري اني مطنشها اسبوع رغم اني وربي يعلم بكل كلمها اقولها اني ما بخلت عليها بشي مصروف واعطيها وفي احلك الظروف لمن ما يكون عندي فلوس ادين عشان اعطيها لان من واجبي اني اصرف عليها واتصالات واتصل عليها وزيارات ازورها وحب وحنان وعطف واعطيها والله ماني مقصر عليها بشي طنشتني شهر كامل والله جننتني خلتني في حاله ما يعلمها الا ربكم وصرت ما اعرف اركز في عملي حتى كنت مهدد بلفصل من العمل بسبب عدم تركيزي في العمل وانا مكلم زوجتي اي شي يصير بينا مايطلع لأهلي ولا لأهلها ومشاكلنا بينا رغم انها تخرج من وراية كذا مرة والبنت عبيطة وبعض احيان ما تسمع كلامي وانا اسامحها ولمن تغلط ما تفكر تعتذر الا بعد فترة طويلة وبعض احيان انا اكلمها وانا بنفسي اعتذر رغم انها هية الي غلطانة هذا كلة عشان انا احبها وحبيتها من كل قلبي وانا شريها المهم امي شافت الحزن والتعب والسرحان والتفكير وسألتني امي وقتلها انها مطنشتني شهر البنت المهم رحنا انا وامي لعند اهل زوجتي حتى زوجتي اعطيتها خبر ان احنا بنزورهم ولمن كنا عندهم حتى مو ما احترمتني ما احترمت امي ونامت وكلمنا عمتي وعمي ع الموضوع وقالوا بنقولها وش فية عشان هية نايمة المهم بعدها بفترة كلمت عمي قال البنت قالت مالكم صلاح انا ويا نتفاهم قلت طيب وفي يوم اجازتي زرت زوجتي عشان اعرف وش فية وفي الاخير وبكل برود مافي شي وكانت زعلانة اني مطنشها اسبوع وقتلها ان خارج عن ارادتي وقالت كلام زي السم رغم اني سويت نفسي ما سمعت وقالت انها انها مفكرة زعلان منها المهم ومن ذا الكلام المهم ما خرجت الا وحنا راضين من بعض وبعدها بكم يوم نفس الفلم الي طاف وجينا انا وامي لعندهم وامي قالت اذا هية ما تبي ولدي ما تسوي فية كذا في ولدي المهم رحتلها يوم اجازتي وقالت انها ما تبيني يعني تبي الطلاق بسبب امي تدخلت في الموضوع وما تبي مشاكل رغم اني حاس ان البنت مضغوطة من اهلها اني اطلقها عشان انا اعرف البنت كيف اراضيها لمن نتهاوش كلمتين مني وترضى بس هذي المرة كانت مضغوطة من اهلها اني اطللقها وصرت اترجاها اني بسوي الي تبغى وابوس يدها وراسها ويدها واسوي اي شي عشان تشيل فكرة الطلاق هذا كلة عشان انا احبها وشاريها الا انها مصرة انها ما تبيني رغم التعب والتفكير والمذلة والاهانة الي سببته لية لدرجة اني ما اعرف الاكل وبان علية التعب من جد الا هية ما قدرتني نهائيا رحت طلاقتها 3 مرات من القهر الي فية والله سببت لية تعب ما يعلما الا ربك حتى الشغل اشتغل اسبوع وبطلت لاني حاس اني ما اعرف اشتغل زين مثل اول والحمد لله على كل حال المهم رحت المحكمة عشان اطلع صك الطلاق الشيخ قالي خذ حقك منهم وتعال خذ الصك وعمي يماطل في حقي وبعد فترة قلي رح المحكمة خذ موعد واستلم حقك ولمن جيت استلم حقي صار يتحجج ويماطل انا ويطنشني انا اصلا ما ادري كيف يخلي بنته معلقة كذا تعبت معاه وتعبت اني اخذ مواعيد من المحكمة قلت خله يجيني ذيك الساعة وانا اعلمة المماطلة زين على اصولها
الشاهد
ان البنت كرهتني في البنات والزواج نهائيا وكرهت الزواج وقلت اخذت درس من الزواج هذا وكل ما جاء على بالي اني نفسي ببنت حلال اتزوجها اذكر الي صارلي واتراجع
صرت عاطل وجالس في البيت الحمد لله صرت اصلي واتقربت من الله وكل فرض بفرضة في المسجد واركز بذات اني اصلي الفجر في المسجد واصلي الجمعة والحمد لله طلعت مكة واعتمرت ان شاء الله يتقبل عمرتي يارب وصرت اصلي الجمعة والحمد لله صرت اتقرب من الله اكثر واكثر واقراء قران ومسحت الاغاني من جوالي وبطلت اسمع اغاني والحمد لله على الهداية وصرت ادور على وظيفة وابني نفسي من الصفر والحمد لله عندي اختبار بوظيفة في جامعة الملك عبد العزيز بجدة يوم الخميس ويارب تكون الوظيفة من نصيبي
للعلم ملكت في شهر شعبان عام 1429 وطلقتها في ذوالقعدة في نفس السنة وعمري26 وعمرها 17 سنة
الحمد لله صرت احس براحة نفسية في الصلاة والتقرب من الله وترك المعاصي الي كنت فيها رغم اني افكر بعد ما اشتغل اني اتزوج من مطلقة او عانس وهدفي من الزواج الستر فقط
انتوا تفكروا اني كيف اذكر هذي الاحداث موفصفها واحطها في النت ؟
انا ما حطيت قصتي في هذا المنتدى الا كنوع من الفضفضة واخذ رايكم في الي صارلي ويعلم الله ان هذا الي صار معاية وابغى ارتاح وكل ما اطلبه منكم الرد على قصتي واخذ رايكم وتناصحوني بلي صار معاية وجزاكم الله الف خير والسلام عليكم ورحمة الله وبركاتة

[هلالة الشمري]

لا تحزن ولا تدخل بنك الحزين با العكس الله يحبك واللي صار لك سبب بهدايتك عسى با الأمر خيره والله يكتب لك الخير يكفي انك من الموقف هذا استفدت الشي الكثير وانك رجعت لربك وهذا أهم شي وإلا العمر دوبك صغير 27 والعمر قدامك ولا تشيل على البنت بعدها صغيرة وحتى تصرفاته جاهلة لا تكره انك تركتها وإذا فكرت وطلبت ثاني خليك مجهز حالك ومالك لان الزواج يبي والله يكتب لك بنت الحلال اللي تحطك بعيونها

[الحزين]

المشاركة الأصلية كتبت بواسطة هلالة الشمري

لا تحزن ولا تدخل بنك الحزين با العكس الله يحبك واللي صار لك سبب بهدايتك عسى با الأمر خيره والله يكتب لك الخير يكفي انك من الموقف هذا استفدت الشي الكثير وانك رجعت لربك وهذا أهم شي وإلا العمر دوبك صغير 27 والعمر قدامك ولا تشيل على البنت بعدها صغيرة وحتى تصرفاته جاهلة لا تكره انك تركتها وإذا فكرت وطلبت ثاني خليك مجهز حالك ومالك لان الزواج يبي والله يكتب لك بنت الحلال اللي تحطك بعيونها

اشكرك يا اخت هلالة ع الرد وجزاك الله الف خير ع النصيحة وانا الحمد لله اشعر براحة نفسية افضل من اول بكثير

[عاشقة الجنه]

حمدالله اهم شيء الهدايه من الله والصلاح وعسى ان تكرهوا شيء وهو خيراَ لكم واذا البنت ماتبغاك بكيفها لاتحرق نفسك

[الحزين]

اشكرك يا عاشقة بس والله العظيم حبيتها من كل قلبي وما بخلت عليها بأي شي كنت احرم نفسي واعطيها هذا كله عشان خاطرها بس هية ما قدرت هذا الشي والي حارقني ان هذا اول حظي ونصيبي في الزواج وربي وحدة هوة الي يشهد ع كلامي بس ما اقول الا الحمد لله على كل حال

[بنت تصافينا]

{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.
اخوي الحزين تأمل هذي الايه وراح تعرف انو اللي صار لك خير لك وعليك..
فكر لو انك ارتبطت بهذي البنت واهلها قبل لا تدخل عليها وسووا كذا فما بالك بعد ما تتزوجها وش راح يسوون.
والله ثم والله ان اللي صار لك خير..
وتأكد ان ربك يحبك وعارف انها مو من نصيبك..
فكر في محبه الله لك..
ولا تخليها سبب انك تكره الزواج بالعكس يكون لك دافع انك توضح لها ولاهلك وللناس كلهم انك ما انكسرت من اللي صار بالعكس تزوج وعيش حياتك
وعسى الله يوفقك ويستر عليك ويرزقك ببنت الحلال اللي تحبك وتحفظك وتصونك..
انا لو اقولك مشكلتي راح تسجد سجود شكر لله وراح تقول الحمدلله انا في نعمه وعسى الله يدومها علي..
استغفر ربك ..
ودعوه صادقه من القلب الله يثبتك..الله يثبتك..الله يثبتك..
تزوج دامك قادر ع الزواج وتأكد ان الله يبي يعوضك بوحده احسن منها ...ويبي يرزقك بوظيفه ما كنت تحلم بها بس
لانك رجعت لربك..وعرفت الله وربي مراح ينساك..

أختك في الله..

[الحزين]

اشكرك يا اختي بنت بس والله صدقيني ما كرهتني في الزواج الا من تصرفها وتصرف اهلها والله شي يقهر ولا تنسي اول مرة اتزوج بس الحمد لله هذا صار من الماضي وما صار يربطني فيها بشي الزواج علمتني الشي الكثير الي اغفلها
انا حاليا ابحث عن وظيفة وان شاء الله ربي يكتبلي بوظيفة يارب وان شاء الله اتزوج مثل ما قلت يا بنت مطلقة او عانس انا اول تزوجت عشان كنت ابحث عن الجمال وفي الاخير طلع المضمون فاضي وعشان ما اكررر الغلطة ان شاء الله اتزوج ببنت متدينه اهم شي عندي دينها وصلاتها وبعدين ادور على الأخلاق والجمال اما لو ربي كتبلي ببنت ذات دين وجمال الله اكبر ان شاء الله يكون من نصيبي
اختي بنت ماني عارف كيف اشكرك ولا يهونون باقي الزوار الي ردو ع قصتي الله يحرم وجهك على النار يارب ويحقق امانيكي ويسكنك فسيح جناته يارب اعذريني اختي ترى ما اعرف ادعي زين بس هذا الي جاء ع بالي

[بنت تصافينا]

الله يجمع لك كل ما تتمناه من صفات ويرزقك بالزوجه الصالحه الجميله ذات الدين والاخلاق..
(( وقل استغفروا ربكم إنه كان غفاراً () يرسل السماء عليكم مدراراً () ويمددكم بأموالٍ وبنين ويجعل لكم جناتٍ ويجعل لكم أنهاراً ))تأمل هذه الايه وستعرف ما كنت اقصده..
الله يوفقك ويسعدك يارب..
اختك في الله..

[الحزين]

اشكرك يا اختي وفهمت عليكي وجزاكي الله بألف خير

[بنت تصافينا]

ويجزاك خير..
ملاحظه..
لا تقول يجزاك الله الف خير..
لانك حصرت الخير بالف فقط وخير الله كثير فلا تبخل علينا وقل
جزاك الله خير..
وهو بفضله وكرمه سيرزقنا هذا الخير..